पुणे : जनसेवा सहकारी बँकेच्या शिवाजीनगर-डेक्कन शाखेचे स्थलांतर एरंडवणे येथील स्वमालकीच्या जागेत झाले. सोमवारी (१४ ऑक्टोबर) या नूतन वास्तूचे उद्घाटन लेखक, दिग्दर्शक प्रवीण तरडे यांच्या हस्ते झाले. या वेळी पुणे महानगरचे संघचालक रवींद्र वंजारवाडकर यांची प्रमुख उपस्थिती होती. बँकेचे अध्यक्ष प्रदीप जगताप, उपाध्यक्ष राजेंद्र हिरेमठ, माधुरी सहस्रबुध्दे, संचालक, बँकेचे सभासद, खातेदार व हितचिंतक उपस्थित होते.
‘जनसेवा बँक ही खऱ्या अर्थाने सामाजिक बांधिलकी जपणारी बँक आहे,’ असे गौरवोद्गार प्रवीण तरडे यांनी काढले.
‘सहकार क्षेत्र, आर्थिक क्षेत्र बदलत असून, या बदलानुरुप जनसेवा बँकही आपल्या कार्यप्रणालीत बदल करत आहे. ग्राहकांना उत्कृष्ट सेवा देऊन समाजाभिमुख काम करीत आहे,’ असे मत वंजारवाडकर यांनी व्यक्त केले.
‘या नूतन वास्तुमध्ये लॉकर्स व ए. टी. एम सुविधा उपलब्ध करण्यात आल्या आहेत. मोबाइल बँकिंगसारख्या अत्याधुनिक सेवा बँक देत असून, व्यावसायिक पातळीवरही उत्तम कामगिरी करत आहे,’ असे अध्यक्ष जगताप यांनी सांगितले.